100. EL ADIJAT | Tefsir Kurani

11. Atë Ditë, Zoti i tyre i di hollësisht (e do ti gjykojë për) veprat e tyre.

Uthman — Sun, 05 Dec 2021 20:17:27 +0000

– “… Atë Ditë, Zoti i tyre i di hollësisht (e do ti gjykojë për) veprat e tyre?” – Allahu i Lartësuar është i Gjithëditur për të gjitha veprat e robërve , të fshehta apo të shfaqura, të vogla apo të mëdha qofshin, dhe Ai ka për t’i shpërblyer ata me drejtësi. Ai është i Gjithëditur jo vetëm atë ditë, por në të gjitha ditët, por ky veçim është bërë për të treguar se krijesat do të shpërblehen për çdo vepër të kryer. Ajo është Dita e Llogarisë nga i Gjithëdituri.

10. Dhe kur të dalin në shesh ato që fshihen në kraharorë,

Uthman — Sun, 05 Dec 2021 20:17:04 +0000

– “… A nuk e di ai se kur të nxirret jashtë ajo që fshihet në varre, dhe kur të dalin në shesh ato që fshihen në kraharorë …” – Le të kujtojnë këta të mashtruar se do të vijë dita kur të gjithë të vdekurit do të dalin nga varret e tyre, do të ringjallen dhe do të tubohen para Zotit, për t’u llogaritur me drejtësi. Atë ditë do të shfaqet sheshazi çdo gjë që fshihet brenda gjokseve të tyre, e mirë apo e keqe qoftë, dhe të gjithë do të shijojnë frytet e veprave të tyre.

9. A nuk e di ai se kur të nxirret jashtë ajo që fshihet në varre,

Uthman — Sun, 05 Dec 2021 20:16:42 +0000

8. Ai e dëshiron shumë pasurinë.

Uthman — Sun, 05 Dec 2021 20:16:22 +0000

– “Ai e dëshiron shumë pasurinë ….” – Dashuria e njeriut për pasuri është shumë e fortë. Është pikërisht kjo dëshirë e papërmbajtur që e bën atë të shpërfillë detyrimet dhe përgjegjësitë ndaj Zotit. Kështu ai i jep përparësi plotësimit të dëshirave të vetes, kundrejt të drejtave të Zotit të tij. Kjo ndodh për shkak se ai është dritëshkurtër dhe i lidhur ngushtë vetëm me këtë dynja, duke qenë i pavëmendshëm ndaj ahiretit. Prandaj Allahu i Lartësuar, për të nxitur te robi frikën për Ditën e Llogarisë, thotë:

7. Dhe këtë ai e dëshmon edhe vetë (me veprat e tij).

Uthman — Sun, 05 Dec 2021 20:15:51 +0000

– “… dhe këtë ai e dëshmon edhe vetë (me veprat e tij).” – Cilit i referohet përemri vetor “ai”? Mundësitë janë:

1. “Ai” është njeriu. Në këtë rast, kuptimi i ajetit është: Për këtë mosmirënjohje edhe vetë njeriu është dëshmues dhe nuk e mohon një fakt të tillë. Kjo është një çështje e dukshme dhe e pamohueshme, që çdokush mund ta vërejë.

2. “Ai” është Allahu. Kështu, kuptimi i ajetit del: Për këtë mosmirënjohje është Allahu dëshmitar. Ky është një kërcënim i ashpër dhe i rëndë për ata që tregohen mosmirënjohës ndaj mirësive të Zotit dhe mospërfillës ndaj detyrimeve dhe përgjegjësive karshi Tij. Allahu është dëshmitar i këtyre veprave dhe çdokujt do t’i japë shpërblimin e merituar.

6. Me të vërtetë, njeriu është mosmirënjohës ndaj Zotit.

Uthman — Sun, 05 Dec 2021 20:15:27 +0000

– “Me të vërtetë, njeriu është mosmirënjohës ndaj Zotit …” – Njeriu nuk shpreh mirënjohjen ndaj Zotit, për mirësitë që Ai i ka dhënë. Për nga natyra e tij, ai nuk e dëshiron shpenzimin dhe nuk pranon që t’i plotësojë detyrimet e tij plotësisht. Ai është përtac dhe koprrac, që gjithmonë përpiqet t’u bëjë bisht detyrimeve pasurore apo trupore, me të cilat është ngarkuar. Këtu bëjnë përjashtim ata që Zoti i ka udhëzuar dhe i ka pastruar nga të tilla cilësi të këqija.

5. Dhe duke çarë përmes turmës (së armikut)

Uthman — Fri, 13 Aug 2021 14:19:02 +0000

– “Betohem për ata (kuaj) që vrapojnë furishëm duke dihatur (me forcë), dhe me thundrat e tyre shkrepëtijnë xixa, për ata (kuaj) që vërsulen herët në agim, duke çuar pluhurin përpjetë, dhe duke çarë përmes turmës (së armikut).” – Allahu i Lartësuar betohet në kuajt, në këto krijesa të mrekullueshme dhe aq të çmuara për njerëzit, për cilësitë e veçanta që kanë. Allahu betohet edhe për gjendjet nëpër të cilat kuajt kalojnë, ndryshe nga kafshë të tjera. Kuajt vrapojnë furishëm dhe gjatë këtij vrapimi ata hingëllijnë. Kur me thundrat dhe potkonjtë e tyre të fortë shkelin nëpër gurë, ata nxjerrin xixëllima. Kuajt, me luftëtarët sipër tyre, lëshohen si shigjetë në mes të turmës së armikut. Këto momente dhe veprime janë ato në të cilat betohet Allahu i Lartësuar. Ndërsa shkaku i betimit tregohet më poshtë, kur i Lartësuari thotë:

4. Duke çuar pluhurin përpjetë.

Uthman — Fri, 13 Aug 2021 14:16:01 +0000

3. Për ata (kuaj) që vërsulen herët në agim

Uthman — Fri, 13 Aug 2021 14:15:29 +0000

2. Dhe me thundrat e tyre shkrepëtijnë xixa.

Uthman — Fri, 13 Aug 2021 14:12:19 +0000