099. EZ-ZELZELE | Tefsir Kurani

8. Dhe kush ka bërë ndonjë të keqe, që peshon sa grimca, atë do të shohë.

Uthman — Sun, 05 Dec 2021 20:19:50 +0000

– “Kush ka bërë ndonjë të mirë, që peshon sa grimca, atë do të shohë. Dhe kush ka bërë ndonjë të keqe, që peshon sa grimca, atë do të shohë.” – Llogaria e Zotit është absolutisht e drejtë. Asaj nuk i shpëton asnjë lloj pune, sado e vogël qoftë ajo, e mirë apo e keqe. I Lartësuari thotë në një ajet tjetër: “Atë ditë, çdo njeri do të gjejë pranë vetes veprat e mira që ka bërë. Ndërsa për të këqijat që ka bërë, do të dëshirojë që, në mes tij dhe tyre, të jetë një largësi shumë e madhe. Allahu ju paralajmëron me dënimin që vjen prej Tij. Por Allahu është shumë i Mëshirshëm ndaj robërve .” [Al Imran 30]. Ose: “Kur Libri (i punëve) do t’u vihet përpara, ti do t’i shohësh gjynahqarët të frikësuar nga shënimet në të, që do të thonë: “Të mjerët ne! Çfarë është ky libër, që nuk ka lënë asnjë vepër – të madhe apo të vogël -, pa e shënuar.” Aty do të gjejnë të shënuar gjithçka që kanë bërë. Zoti yt nuk i bën padrejtësi askujt.” [Kehf 49].

7. Kush ka bërë ndonjë të mirë, që peshon sa grimca, atë do të shohë.

Uthman — Sun, 05 Dec 2021 20:19:27 +0000

6. Atë Ditë, njerëzit do të tubohen të ndarë në grupe, që të shihen (e llogariten për) veprat e tyre.

Uthman — Sun, 05 Dec 2021 20:19:05 +0000

– “Atë Ditë, njerëzit do të tubohen të ndarë në grupe, që të shihen (e llogariten për) veprat e tyre.” – Ditën e Kijametit, kur Zoti të gjykojë njerëzit, ata do të jenë të ndarë në grupe veç e veç. Allahu i Lartësuar do t’i bëjë ato grupe që t’i shohin vetë veprat e tyre, të mira apo të këqija qofshin, dhe pastaj do t’u japë shpërblimin e merituar. Askujt nuk do t’i bëhet padrejtësi, as sa një thërmijë, siç thotë i Lartësuari më pas:

5. Sepse Zoti yt e ka urdhëruar atë.

Uthman — Sun, 05 Dec 2021 20:18:43 +0000

– “Atë Ditë, ajo (Toka) do të rrëfejë historitë e veta, sepse Zoti yt e ka urdhëruar atë.” – Atë ditë toka do të dëshmojë për gjithçka që bota ka punuar mbi shpinën e saj, të mira apo të këqija qofshin. Atë ditë, edhe toka, ashtu si shumë dëshmitarë të tjerë, do të dëshmojë për veprat e robërve , sepse ky është urdhri i Zotit të saj, dhe ajo kurrsesi nuk mund ta thyejë urdhrin e Tij.

4. Atë Ditë, ajo (Toka) do të rrëfejë historitë e veta,

Uthman — Tue, 27 Jul 2021 19:43:20 +0000

3. Kur njeriu të thotë: “Çfarë po ndodh me tokën?!

Uthman — Tue, 27 Jul 2021 19:43:00 +0000

– “Kur njeriu të thotë: “Çfarë po ndodh me tokën?!”” – Kur njeriu të shohë se çfarë do t’i ndodhë tokës atë ditë, do të thotë i tmerruar: “Çfarë po ndodh me tokën?!””

2. Kur toka të nxjerrë atë që mban në barkun e saj.

Uthman — Tue, 27 Jul 2021 19:42:34 +0000

– “Kur toka të nxjerrë atë që mban në barkun e saj, …” – Toka do të nxjerrë gjithçka që mban barku i saj, siç janë të vdekurit apo thesaret që fshihen brenda saj.

1. Kur të tronditet toka, me një dridhje të fuqishme,

Uthman — Tue, 27 Jul 2021 19:41:24 +0000

– “Kur të tronditet toka, me një dridhje të fuqishme, …” – Allahu i Lartësuar na tregon për atë që do të ndodhë Ditën e Kijametit. Toka do të tronditet fort, derisa çdo ndërtesë apo gjë e ngritur mbi të të sheshohet. Malet dhe kodrat do të fshihen nga faqja e dheut dhe toka do të shndërrohet e tëra në një sipërfaqe të sheshtë e të ndritshme, pa gropa apo male.