096. EL ALEK | Tefsir Kurani

19. Jo, jo! Ti mos iu bind atij, por vazhdo me sexhde dhe afroju Zotit me të

Uthman — Sun, 05 Dec 2021 20:46:13 +0000

– “Jo, jo! Ti mos iu bind atij, por vazhdo me sexhde dhe afroju Zotit me të!” – Allahu i Lartësuar ndalon veçse nga ato gjëra të cilat sjellin shkatërrim në dynja dhe në ahiret. Pra, mos iu bind këtyre fatzinjve, por vazhdo të afrohesh tek Zoti yt me sexhde dhe me të gjitha llojet e adhurimit dhe bindjes ndaj Tij! Ky ajet përfshin të gjithë llojet e ndaluesve dhe luftuesve të së vërtetës dhe të gjithë mbrojtësit dhe përhapësit e saj, edhe pse është shpallur fillimisht dhe flet në mënyrë të veçantë për Ebu Xhehlin, i cili pengonte Profetin (a.s.) nga namazi dhe nga përhapja e të vërtetës. Këtu përfundon komenti i sures Alek. Falënderimi i takon vetëm Allahut!

18. Ndërsa Ne do t’i thërrasim Rojet e Xhehenemit (zebanitë)

Uthman — Sun, 05 Dec 2021 20:45:31 +0000

– “Pastaj ai le të thërrasë ata të vetët! Ndërsa Ne do t’i thërrasim Rojet e Xhehenemit (zebanitë)!” – Le të thërrasë ai që meriton këtë ndëshkim kë të dëshirojë, prej ushtrive dhe mbështetësve të tij. Ndërsa Allahu do të urdhërojë zebanitë, rojet e Xhehenemit, për të ekzekutuar ndëshkimin. Atëherë keni për ta parë se kush do të fitojë dhe kush është më i fuqishëm! Kjo do të jetë gjendja e atij që lufton dhe pengon të vërtetën. Ndërsa besimtarin, atë të cilin e pengojnë dhe luftohet për shkak të së vërtetës, Allahu i Lartësuar e urdhëron që të mos ua verë veshin dhe të mos u nënshtrohet këtyre ndaluesve:

17. Pastaj ai le të thërrasë ata të vetët

Uthman — Sun, 05 Dec 2021 20:45:07 +0000

– “Pastaj ai le të thërrasë ata të vetët! Ndërsa Ne do t’i thërrasim Rojet e Xhehennemit (zebanitë)!” – Le të thërrasë ai që meriton këtë ndëshkim kë të dëshirojë, prej ushtrive dhe mbështetësve të tij. Ndërsa Allahu do të urdhërojë zebanitë, rojet e Xhehenemit, për të ekzekutuar ndëshkimin. Atëherë keni për ta parë se kush do të fitojë dhe kush është më i fuqishëm! Kjo do të jetë gjendja e atij që lufton dhe pengon të vërtetën. Ndërsa besimtarin, atë të cilin e pengojnë dhe luftohet për shkak të së vërtetës, Allahu i Lartësuar e urdhëron që të mos ua verë veshin dhe të mos u nënshtrohet këtyre ndaluesve:

16. Prej ballit mashtrues e gjynahqar

Uthman — Sun, 05 Dec 2021 20:44:42 +0000

– “Jo, jo! Nëse nuk heq dorë, Ne do ta rrëmbejmë atë prej ballit. Prej ballit mashtrues e gjynahqar.” – Ai rrëmbim do të jetë shumë i ashpër. Vërtet, koka e meriton që të ndëshkohet, për shkak të gabimeve dhe mosbindjes së saj. Njeriu që është mashtrues në fjalët e tij dhe gjynahqar i rëndë në veprat e tij e meriton këtë ndëshkim të dhembshëm.

15. Jo, jo! Nëse nuk heq dorë, Ne do ta rrëmbejmë atë prej ballit.

Uthman — Sun, 05 Dec 2021 20:44:02 +0000

14. A nuk e di ai se Allahu sheh (gjithçka)?

Uthman — Sun, 05 Dec 2021 20:43:33 +0000

– “A nuk e di ai se ç’ndodh, nëse mohon dhe kthen shpinën? A nuk e di ai se Allahu sheh (gjithçka)?” – A e di ai i mjerë, që kundërshton dhe lufton të vërtetën, se kjo që bën ai do të sjellë ndëshkimin e tij me vuajtje të padurueshme? A nuk frikësohet dhe të kthejë rrugë, sa nuk është vonë?! A nuk e di ai i mjerë, se Allahut nuk i shpëton asgjë dhe se Ai sheh çdo vepër dhe fjalë të robit. Llogaria me drejtësi është e pashmangshme dhe do të vijë shpejt. Më tej, i Lartësuari e kërcënon këtë të mjerë se, nëse nuk ndalet nga këto vepra dhe nga lufta kundër të vërtetës dhe bartësve të saj, atëherë ajo që e pret është shumë e dhembshme:

13. A nuk e di ai se ç’ndodh, nëse mohon dhe kthen shpinën?

Uthman — Sun, 05 Dec 2021 20:42:58 +0000

12. Ose urdhëron për devotshmëri?

Uthman — Sun, 05 Dec 2021 20:42:29 +0000

– “Si guxon dhe e ndalon atë kur ai është në rrugë të drejtë ose urdhëron për devotshmëri?” – O ti njeri që ndalon robin që t’i falet Zotit të tij, si vepron në këtë mënyrë, kur robi të cilin po e ndalon është tërësisht i udhëzuar nga Zoti i tij, me dije të saktë rreth së vërtetës dhe punon sipas kësaj dijeje?! Si vepron në këtë mënyrë, kur ai të cilin ti e ndalon dhe e pengon është duke urdhëruar për devotshmëri ndaj Zotit, është duke urdhëruar për t’iu përmbajtur urdhrave dhe për t’iu larguar ndalesave, në shenjë madhërimi dhe dashurie për Zotin? Si arrin që një i tillë të pengohet dhe të luftohet?! Kjo vërtet konsiderohet si luftë kundër të vërtetës dhe kundër vetë Zotit. Kjo ndalesë u drejtohet atyre të cilët nuk janë të udhëzuar dhe të cilët urdhërojnë për të kundërtën e devotshmërisë. Më tej, Allahu i Lartësuar i kërcënon këta lloj njerëzish, duke thënë:

11. Si guxon dhe e ndalon atë kur ai është në rrugë të drejtë

Uthman — Sun, 05 Dec 2021 20:42:03 +0000

10. Një adhurues, kur ai falet?

Uthman — Sun, 05 Dec 2021 20:41:05 +0000

– “A e ke parë atë që pengon një adhurues, kur ai falet?” – Pra, ai pengon tjetrin të falë namaz, që është treguesi më i madh i imanit. Për të tillë njerëz të poshtër, Allahu i Madhëruar thotë: