084. EL INSHIKAK | Tefsir Kurani

25. Përveç atyre që besojnë e bëjnë vepra të mira, të cilët do të kenë shpërblim të pandërprerë.

Uthman — Mon, 06 Dec 2021 18:51:23 +0000

– “… përveç atyre që besojnë e bëjnë vepra të mira, të cilët do të kenë shpërblim të pandërprerë!” – Ata e besojnë Kur’anin dhe çdo kumt të sjellë nga profetët e Zotit, angazhohen me sinqeritet për të zbatuar çdo porosi të dhënë prej tyre. Këtyre fatlumëve, Zoti u ka premtuar shpërblim të pandërprerë. Ata do të jenë përjetësisht në kënaqësi të pafundme, të cilat syri nuk i ka parë, veshi nuk i ka dëgjuar dhe askush prej njerëzve nuk ka arritur as t’i imagjinojë.

24. Lajmëroi ata për një dënim të dhembshëm.

Uthman — Mon, 06 Dec 2021 18:50:53 +0000

– “Lajmëroi ata për një dënim të dhembshëm, …” – Kjo është gjendja e shumicës së njerëzve: ata nuk e besojnë Kur’anin dhe e mohojnë mesazhin e tij. Megjithatë, janë edhe disa që Zoti i ka përzgjedhur ndër njerëzit e tjerë, për t’i udhëzuar dhe ndriçuar me këtë Kur’an.

23. Por Allahu e di më së miri atë që ata e mbajnë fshehur (në gjokset e tyre).

Uthman — Mon, 06 Dec 2021 18:50:18 +0000

– “Por Allahu e di më së miri atë që ata e mbajnë fshehur (në gjokset e tyre).” – Allahu i Gjithëditur di çdo vepër dhe qëllim të tyre, e shfaqin apo e mbajnë të fshehur në shpirtin e tyre, dhe do t’i shpërblejë me drejtësi për to.

22. Në të vërtetë, mohuesit përgënjeshtrojnë (shpalljet e Zotit).

Uthman — Mon, 06 Dec 2021 18:49:59 +0000

– “Në të vërtetë, mohuesit përgënjeshtrojnë (shpalljet e Zotit)?!” – Ata që mohojnë Zotin e quajnë të vërtetën si mashtrim dhe e kundërshtojnë atë me urrejtje, pasi u është bërë e qartë. Prandaj, mos u çudisni që ata e mohojnë Kur’anin dhe nuk nënshtrohen për ta zbatuar atë. Ata që e mohojnë të vërtetën nga kryeneçësia dhe urrejtja, për ta nuk ka mundësi udhëzimi. Nëse ata e urrejnë të vërtetën, si mund ta pranojnë atë dhe t’i nënshtrohen?

21. Përse, kur u lexohet Kur’ani, nuk përulen?

Uthman — Mon, 06 Dec 2021 18:49:40 +0000

– “Atëherë çfarë kanë ata që nuk besojnë? Përse, kur u lexohet Kur’ani, nuk përulen?” – Ç’është me këta njerëz që nuk besojnë Allahun dhe në madhështinë e Tij, që nuk besojnë në Kur’anin e Tij, që nuk nënshtrohen për të zbatuar urdhrat e Tij dhe për t’u larguar nga ndalesat e Tij?

20. Atëherë çfarë kanë ata që nuk besojnë?

Uthman — Mon, 06 Dec 2021 18:49:24 +0000

19. Se ju, me siguri, do të kaloni gjendje pas gjendjeje.

Uthman — Mon, 06 Dec 2021 18:49:05 +0000

– “… se ju, me siguri, do të kaloni gjendje pas gjendjeje.” – Ju keni për të kaluar gjendje pas gjendjeje, fazë pas faze, për të shkuar atje ku jeni njoftuar. Pas një pike uji, ju ktheheni në gjak të ngjizur, të ngjitur në muret e barkut të nënës, pastaj shndërroheni në një copë mishi të ngjashëm me një mish të përtypur, për të kaluar në fazat e tjera të zhvillimit, që në fund t’ju fryhet shpirti. Pastaj dilni në këtë jetë si fëmijë të dobët dhe të varur. Më pas, filloni të dalloni dhe të arsyetoni, derisa arrini moshën e përgjegjësisë, kur lapsi fillon të shënojë veprat tuaja.
Gjatë jetës tuaj, Zoti ju kërkon zbatimin e ligjit të Tij dhe qëndrimin brenda kufijve të Tij. Pas vdekjes, Ai ju premton ringjalljen dhe llogaritjen e drejtë të veprave tuaja, për t’ju shpërblyer me drejtësinë dhe bamirësinë e Tij. Të gjitha këto faza nëpër të cilat kalon njeriu tregojnë se vetëm Allahu është Ai që meriton adhurimet tona, sepse Ai është i vetmi që përkujdeset për krijesat e Tij, me mëshirën dhe urtësinë e Tij. Çdo krijesë është e dobët, e varfër dhe e pafuqishme përpara Krenarit të Gjithëmëshirshëm. Megjithatë, shumë prej njerëzve nuk besojnë.

18. Edhe në hënën e plotë,

Uthman — Mon, 06 Dec 2021 18:48:46 +0000

– “Betohem në kuqëlimin e muzgut, në natën e në çfarë mbulon ajo me errësirën e saj, edhe në hënën e plotë, …” – Allahu i Lartësuar betohet në disa shenja të mëdha, të cilat shfaqen natën. Kështu, fillimisht betohet në dritën e kuqërremtë, që mbetet nga dielli, kur ai perëndon. Kjo shënon fillimin e natës. Pastaj, Allahu i Lartësuar betohet në natën dhe në gjithçka që ajo mbulon me errësirën e saj. Ai betohet, gjithashtu, edhe në hënën e plotë, aq të dobishme dhe të bukur. Por për çfarë betohet i Plotpushtetshmi?

17. Në natën e në çfarë mbulon ajo me errësirën e saj,

Uthman — Mon, 06 Dec 2021 18:48:29 +0000

16. Betohem në kuqëlimin e muzgut.

Uthman — Mon, 06 Dec 2021 18:48:11 +0000