082. EL INFITAR | Tefsir Kurani

19. Ajo është Dita kur askush nuk do të mund të ndihmojë kënd dhe e tërë çështja, atë ditë, i takon vetëm Allahut.

Uthman — Tue, 07 Dec 2021 16:51:15 +0000

– “Ajo është Dita kur askush nuk do të mund të ndihmojë kënd dhe e tërë çështja, atë ditë, i takon vetëm Allahut.” – Të gjithë do të kërkojnë shpëtimin për vetveten dhe nuk do të pyesin për asnjë në botë, sepse do të jenë të pushtuar tërësisht nga frika. Askush nuk mund të ndihmojë apo shpëtojë as njerëzit më të dashur të zemrës, sepse atë ditë e gjithë çështja është në dorë të Allahut të Lartësuar. Është Ai që do të vendosë drejtësinë mes krijesave. Është Ai që do të shpërblejë me drejtësi dhe mëshirë secilin, sipas asaj që meriton. Allahu është më i Dituri për gjithçka.

18. Edhe një herë, kush ta mësoi ty se ç’është Dita e Gjykimit?

Uthman — Tue, 07 Dec 2021 16:50:13 +0000

– “E kush ta mësoi ty se ç’është Dita e Gjykimit? Edhe një herë, kush ta mësoi ty se ç’është Dita e Gjykimit?” – Ky është një kërcënim për madhështinë dhe tmerrin e asaj dite, e cila turbullon çdo mendje. Askush nuk do të pyesë për të tjerët në ato momente, sado të dashur dhe të afërt qofshin ata. Secilit i mjafton çështja e vet, siç thotë i Lartësuari më pas:

17. E kush ta mësoi ty se ç’është Dita e Gjykimit?

Uthman — Tue, 07 Dec 2021 16:45:58 +0000

16. Dhe nuk kanë për të dalë kurrë prej tij.

Uthman — Tue, 07 Dec 2021 16:44:00 +0000

“… ku do të flaken në Ditën e Gjykimit dhe nuk kanë për të dalë kurrë prej tij.” – Ata do të flaken në Xhehenem. Kjo do të ndodhë me ta në Ditën e Shpërblimit. Ata do të jenë përjetësisht në Zjarr dhe kurrë nuk kanë për të dalë prej tij.

15. Ku do të flaken në Ditën e Gjykimit

Uthman — Tue, 07 Dec 2021 16:42:28 +0000

14. Ndërsa gjynahqarët do të jenë në Xhehenem.

Uthman — Tue, 07 Dec 2021 16:41:06 +0000

– “Ndërsa gjynahqarët do të jenë në Xhehenem, …” – Ndërsa el fuxhxhâr – gjynahqarët janë ata që shkelin dhe shpërfillin të drejtat e Allahut dhe të krijesave. Këta kanë të prishura si zemrat, ashtu edhe veprat e fjalët e tyre. Ata janë të padrejtë dhe të shfrenuar në gjynahe. Këta do të jenë në një ndëshkim të dhembshëm, në këtë jetë, në jetën e varrit dhe në përjetësi, në zjarrin e Xhehenemit.

13. Me të vërtetë, vepërmirët do jenë (të lumtur) në mirësi të shumta.

Uthman — Tue, 07 Dec 2021 16:39:57 +0000

– “Me të vërtetë, vepërmirët do jenë (të lumtur) në mirësi të shumta.” – Vepërmirë (el ebrar) janë ata që përpiqen dhe punojnë sinqerisht për të përmbushur detyrimet ndaj të Madhëruarit dhe janë të kujdesshëm në plotësimin e detyrimeve ndaj krijesave, duke iu ruajtur çdo lloj padrejtësie ndaj tyre. Këta janë të vazhdueshëm dhe sistematikë në vepra të mira, qofshin ato të dukshme, qofshin të fshehura në zemrat e tyre. Shpërblimi i këtyre fatlumëve është lumturia dhe kënaqësia e shpirtit dhe e trupit në këtë jetë, në jetën e varrit dhe në përjetësi, pranë Zotit të tyre.

12. Ata dinë gjithçka që bëni ju.

Uthman — Tue, 07 Dec 2021 16:38:52 +0000

– “Pa dyshim, mbi ju qëndrojnë rojet. Ata janë shkrues të ndershëm. Ata dinë gjithçka që bëni ju.” – Ata shkruajnë me përpikmëri çdo fjalë dhe vepër tuajën, të cilat ata i njohin me imtësi. Këtu hyjnë veprat e zemrës dhe veprat e gjymtyrëve. Për këtë arsye, ju duhet të tregoni respekt ndaj pranisë së këtyre rojeve. Ju nuk duhet ta lejoni veten në vepra e fjalë të këqija, sepse ata janë pranë jush dhe i shënojnë veprat tuaja. Por turpi juaj duhet të jetë më i madh ndaj të Gjithëditurit, që ju vështron dhe di me imtësi se çfarë shfaqni dhe çfarë e mbani të fshehur në shpirtin tuaj. Dijeni se nuk janë njëlloj të mirët dhe të këqijtë, të ruajturit nga të këqijat dhe të shfrenuarit në gjynahe dhe mosbindje ndaj të Madhëruarit:

11. Ata janë shkrues të ndershëm.

Uthman — Tue, 07 Dec 2021 16:37:51 +0000

10. Pa dyshim, mbi ju qëndrojnë rojet.

Uthman — Tue, 07 Dec 2021 16:36:47 +0000