080. ABESE | Tefsir Kurani

42. Këta janë mohuesit, gjynahqarët.

Uthman — Tue, 07 Dec 2021 20:26:08 +0000

– “Këta janë mohuesit, gjynahqarët.” – Ky do të jetë përfundimi i të gjithë atyre që mohojnë mirësitë e Allahut, që nuk i besojnë shpalljet e Tij dhe guxojnë të shkelin dhe kufijtë e Tij. E lusim Allahun e Lartësuar që të na ruajë dhe të na shpëtojë! Ai është vërtet Bamirës i madh dhe Bujar!

41. Që i ka mbuluar errësira.

Uthman — Tue, 07 Dec 2021 20:24:56 +0000

– “Atë ditë do të ketë edhe fytyra të pluhurosura, që i ka mbuluar errësira.” – Ndërsa fytyrat e të mjerëve do të jenë të mbuluara nga pluhuri dhe errësira. Ata do të jenë shumë të dëshpëruar, sepse nuk shpresojnë asnjë të mirë dhe janë plotësisht të sigurt për dënimin që do të vuajnë përjetësisht. Ata e meritojnë këtë ndëshkim, sepse janë mohues dhe shkelës të kufijve të Zotit. I Lartësuari thotë:

40. Atë ditë do të ketë edhe fytyra të pluhurosura,

Uthman — Tue, 07 Dec 2021 20:23:39 +0000

39. Të buzëqeshura e të gëzuara.

Uthman — Tue, 07 Dec 2021 20:21:23 +0000

– “Atë Ditë do të ketë fytyra të shndritura, të buzëqeshura e të gëzuara.” – Fytyrat e fatbardhëve do të jenë të shndritura, në të cilat do të dallohet qartë kënaqësia dhe mirësia që përjetojnë, kur përgëzohen me shpëtimin nga Zjarri dhe hyrjen në Xhenetin e mirësive të përjetshme. Ato do të jenë fytyra të qeshura dhe të gëzuara.

38. Atë Ditë do të ketë fytyra të shndritura,

Uthman — Tue, 07 Dec 2021 20:20:25 +0000

37. Atë Ditë, çdo njeriu i mjafton çështja e vet.

Uthman — Tue, 07 Dec 2021 20:18:55 +0000

– “Atë Ditë, çdo njeriu i mjafton çështja e vet.” – Çdokush do të shqetësohet vetëm për veten dhe për të shpëtuar nga ndëshkimi. Asgjë dhe askush nuk i hyn më në sy. Ajo është dita kur njerëzit do të ndahen në dy grupe: të shpëtuarit, që do të lumturohen në kënaqësinë dhe në mëshirën e Allahut të Lartësuar, dhe të dëshpëruarit, që do të vuajnë ndëshkimin e të Drejtit të Plotpushtetshëm. Ata do të dallohen nga fytyrat e tyre:

36. Prej gruas dhe prej fëmijëve të vet.

Uthman — Tue, 07 Dec 2021 20:17:26 +0000

– “… Ajo është dita kur njeriu ikën prej vëllait të vet, prej nënës dhe prej babait të vet, prej gruas dhe prej fëmijëve të vet.” – Atë ditë, askush nuk do të pyesë për asgjë dhe për asnjë në këtë botë. Çdokush do të shqetësohet vetëm për veten e vet. Madje, në ato momente, njeriu do të braktisë edhe njerëzit më të dashur dhe më të shtrenjtë të tij, sepse tmerri është shumë i madh.

35. Prej nënës dhe prej babait të vet,

Uthman — Tue, 07 Dec 2021 20:16:25 +0000

34. Ajo është dita kur njeriu ikën prej vëllait të vet,

Uthman — Tue, 07 Dec 2021 20:15:32 +0000

33. Por, kur të vijë Ushtima,

Uthman — Tue, 07 Dec 2021 20:14:54 +0000

– “Por, kur të vijë Ushtima, …” – Kur të dëgjohet ushtima e Kijametit, nga zhurma e së cilës buçasin veshët dhe tronditen shpirtrat, atë ditë njerëzit do të shohin tmerrin me sy. Frika do të jetë shumë e madhe dhe çdokush do të dëshironte që të kishte qoftë edhe një vepër të mirë, sado e vogël qoftë ajo, për t’i shpëtuar dënimit të asaj dite të vështirë.