075. EL KIJAME | Tefsir Kurani

40. A nuk është Ai i Plotpushtetshëm për t’i ngjallur të vdekurit?!

Uthman — Wed, 08 Dec 2021 15:29:05 +0000

– “A nuk vjen ai (njeriu) nga një pikë lëngu, që hidhet me forcë, e pastaj bëhet gjak i trashë, që Ai (Zoti) e krijon dhe e përsos. Dhe, prej atij (uji), Ai krijon mashkullin dhe femrën?! A nuk është Ai i Plotpushtetshëm për t’i ngjallur të vdekurit?!” – Këto janë fazat nëpër të cilat kalon njeriu në barkun e nënës, para se të formohet e të kompletohet nga i Madhëruari. Ai i krijoi njerëzit në çifte, meshkuj e femra. Atëherë, Ai që e krijoi njeriun në këto faza të ndryshme, a nuk është i Plotfuqishëm që t’i ringjallë të vdekurit? Pa dyshim, Ai është i Plotfuqishëm për gjithçka. Këtu përfundon tefsiri i sures Kijame, me mirësinë dhe bujarinë e Allahut të Madhëruar.

39. Dhe, prej atij (uji), Ai krijon mashkullin dhe femrën?!

Uthman — Wed, 08 Dec 2021 15:28:20 +0000

38. E pastaj bëhet gjak i trashë, që Ai (Zoti) e krijon dhe e përsos.

Uthman — Wed, 08 Dec 2021 15:27:19 +0000

37. A nuk vjen ai (njeriu) nga një pikë lëngu, që hidhet me forcë,

Uthman — Wed, 08 Dec 2021 15:26:34 +0000

36. A mos mendon njeriu se do të lihet pa dhënë llogari?!

Uthman — Wed, 08 Dec 2021 15:25:53 +0000

– “A mos mendon njeriu se do të lihet pa dhënë llogari?!” – A mendon njeriu se do të lihet i shpërfillur, se nuk do të urdhërohet e të ndalohet, se nuk do të shpërblehet dhe nuk do të ndëshkohet? Ky, sigurisht, është një mendim i gabuar dhe arsyetim jo i saktë. Ky është një vlerësim jo i drejtë për Allahun e Madhëruar dhe për urtësinë e Tij. Më pas, i Madhëruari i kujton njeriut fillimin e krijimit të tij:

35. Mjerë për ty, mjerë!

Uthman — Wed, 08 Dec 2021 15:25:16 +0000

“Mjerë për ty, mjerë! Mjerë për ty, mjerë!” – I Madhëruari e përsërit kërcënimin për ta theksuar atë.

34. (Atij do t’i thuhet) Mjerë për ty, mjerë!

Uthman — Wed, 08 Dec 2021 15:24:03 +0000

“Mjerë për ty, mjerë! Mjerë për ty, mjerë!” – I Madhëruari e përsërit kërcënimin për ta theksuar atë.

33. E pastaj shkon te familja e vet, gjithë fodullëk.

Uthman — Wed, 08 Dec 2021 15:23:10 +0000

– “Por ai nuk beson dhe as nuk fal namaz, por vetëm mohon dhe kthen shpinën, e pastaj shkon te familja e vet, gjithë fodullëk!” – Ata nuk besojnë Allahun, melekët, shpalljet, profetët, Ditën e Gjykimit dhe caktimin e Tij për mirë dhe për keq. Gjithashtu, ata nuk falin namazin, por e konsiderojnë gënjeshtër gjithçka që duhej të besohej dhe u kthejnë shpinën urdhrave e ndalesave të Zotit. Kjo kategori njerëzish nuk kanë drojë nga Zoti i tyre. Ata kthehen në familje të pashqetësuar nga ajo që i pret, siç është qëndrimi para Zotit dhe llogaria e vështirë. Por Allahu i Madhëruar i kërcënon:

32. Por vetëm mohon dhe kthen shpinën,

Uthman — Wed, 08 Dec 2021 15:22:28 +0000

31. Por ai (mosbesimtari) nuk beson dhe as nuk fal namaz,

Uthman — Wed, 08 Dec 2021 15:21:40 +0000