30. Eh, sikur t’i shihje ata kur të qëndrojnë para Zotit të tyre! Atyre do t’u thuhet: “A nuk është kjo (ringjallje) e vërteta?” Ata do të thonë: “Po, për Zotin tonë!” Ai do t’u thotë: “Shijojeni atëherë dënimin, për shkak se ju e mohonit besimin (e drejtë)!”

Sikur t’i shihje mohuesit e Zotit dhe të ringjalljes, do të shihje tmerr atë ditë. Duke ua shtuar edhe më shumë dëshpërimin, i Madhëruari do t’u thotë: “A nuk është i vërtetë ky tani?” Pra, a nuk është i vërtetë ky ndëshkim, që po vuani tani? Ata të dëshpëruar do të përgjigjen:

– Ata do të thonë: “Po, për Zotin tonë!” – Ata do ta pranojnë ekzistencën e ndëshkimit atë ditë, por kjo nuk do t’u bëjë asnjë dobi. Atëherë, me të drejtë, urdhri do të jetë:

– Ai do t’u thotë: “Shijojeni atëherë dënimin, për shkak se ju e mohonit besimin (e drejtë)!”